Trump shpërthen në akuza ndaj senatorit të partisë së vet - Bota Sot
Trump shpërthen në akuza ndaj senatorit të partisë së vet

Amerika

Trump shpërthen në akuza ndaj senatorit të partisë së vet

Më: 6 tetor 2019 Në ora: 16:07
Donald Trump dhe Mitt Romney

Presidenti amerikan, Donald Trump, e ka hapur një front të ri në betejën për hetime dhe shkarkim të tij, duke e akuzuar ashpër një nga anëtarët kryesorë të Partisë Republikane, pjesë e së cilës është edhe ai vetë.

Presidenti republikan e ka nisur një varg sulmesh edhe ndaj demokratëve dhe medieve, të cilët e kanë akuzuar atë për ndërhyrje në sistemin e drejtësisë në Ukrainë kur kërkoi që të hetohet djali i rivalit të tij më të madh politik. Ai tha se senatori Mitt Romney është një prapanicë pompoze që e ka luftuar atë prej fillimit.

Romney, i cili i kishte humbur zgjedhjet e vitit 2012 kundër ish-presidentit Barack Obama, e kritikoi të premten presidentin Trump për kërkesën që ia ka bërë Kinës për ta hetuar ish-nënpresidentin amerikan, Joe Biden. Kyi  fundit është në garë brenda Partisë Demokratike për zgjedhjet presidenciale të vitit të ardhshëm.

Më vonë, presidenti Trump e sulmoi përsëri senatorin Romney, duke thënë se i ka dëgjuar njerëzit në Utah duke thënë se janë penduar që e kanë zgjedhur këtë senator në Senat vitin e kaluar. “Pajtohem. Ai është një budalla që po punon për të mirën e demokratëve që nuk bëjnë asgjë. Shkarkojeni Romney-n”, shkroi presidenti amerikan në Twitter.

Ai gjithashtu se kërkesa që ia ka bërë Kinës për hetimin e politikanit demokrat nuk kanë të bëjnë me politikë, por me korrupsion, shkruan “Reuters”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...