Gjykata e Lartë tha të hënën se do të shqyrtojë rivendosjen e dënimit me vdekje për Dzhokhar Tsarnaev, autorin e sulmeve me bombë në maratonën e Bostonit.
Anëtarët e gjykatës ranë dakord që të dëgjojnë argumentet rreth apelimin të paraqitur nga administrata e Presidentit Trump, e cila në gjatë muajt e fundit në detyrë kreu ekzekutimin e 13 të burgosurve në qelitë federale.
Sidoqoftë, çështja nuk do të dëgjohet deri në vjeshtë si dhe nuk është i qartë qëndrimi i administratës së re ndaj çështjes Tsarnaev. Fillimisht hetimi dhe vendimi për dënim me vdekje u krye nga administrata e Presidentit Obama, ndërsa zoti Biden shërbente në atë kohë në postin e Nënpresidentit.
Por zoti Biden është zotuar për dhënien fund të dënimit federal me vdekje. Në muajin gusht, gjykata e apelit në Boston hodhi poshtë dënimin e Tsarnaev-it, me arsyetimin se gjykatësi në çështjen e tij nuk bëri mjaftueshëm për t’u siguruar që juria të mos kishte paragjykime ndaj tij.
Departamenti i Drejtësisë e apeloi vendimin me shpejtësi, duke u kërkuar anëtarëve të gjykatës që të dëgjojnë dhe vendosin mbi çështjen deri në fund të mandatit aktual të gjykatës, në fillim të verës. Prokurori i Përgjithshëm në atë kohë, William Barr, tha vitin e kaluar se, “Ne do të bëjmë gjithçka që është e nevojshme”.
Avokatët mbrojtës të Dzhokhar Tsarnaev-it, autorit të sulmeve, e pranuan në fillim të gjykimit të tij se ai dhe vëllai i tij Tamerlan Tsarnaev vëndosën dy bomba pranë vijës së përfundimit të maratonës në vitin 2013. Por ata argumentuan se Dzhokar Tsarnaev është më pak fajtor se vëllai i tij, për cilin ata thanë se ishte organizator i sulmit.
Tamerlan Tsarnaev, 26 vjeç, vdiq pas një përplasje të armatosur me policinë dhe u godit nga vëllai i tij ndërsa përpiqej të largohej. Disa orë më vonë policia e kapi 26-vjeçarin e plagosur në Watertown, në periferi të Bostonit, ku ai ishte fshehur në një varkë.
Vëllai i vogël, Dzhokar Tsarnaev, tani 27-vjeçar, u gjet fajtor në të gjitha akuzat (30) të ngritura ndaj tij, përfshi komplotin dhe përdorimin e një arme të shkatërrimit në masë dhe vrasjen e një polici gjatë përpjekjeve për largimin nga vendi i ngjarjes sëbashku me vëllain e tij. Gjykata e apelit la në fuqi të gjitha dënimet, me përjashtim të disave.
Gjykimi dhe vendimi fillestar ndaj tij si dhe vendimi për të kërkuar dënimin me vdekje u bë nga administrata e Presidentin Obama, në cilën zoti Biden shërbente në postin e Nënpresidentit. /VOA
