Zyrtarët në Los Angeles kanë konfirmuar se të martën ka ardhur deri te shtënat në një stacion të zjarrfikësve, dhe se ekipet e ndihmës së shpejtë janë nisur drejt vendit ku kanë ndodhur të shtënat.
Mediat amerikane raportojnë se një zjarrfikës është vrarë dhe një tjetër u plagos, kur ish-punonjësi i këtij departamenti hapi zjarr mbi kolegët ku më pas i vuri zjarrin stacionit të zjarrfikësve.
Siç raporton AP, stacioni është rrethuar me shirita të policisë dhe është vërejtur shtim i numrit të policisë dhe autoambulancave.
Dhjetëra kilometra në lindje të stacionit të zjarrfikësve një shtëpi është kapluar nga zjarri, e në atë lokacion është vërejtur numër i madh i veturave të policisë, por nuk dihet nëse këto dy raste kanë ndonjë lidhje me njëra-tjetrën.
