(E plotësuar 22:15) - Një burrë që tha se kishte një bombë në kamionin e tij pranë Kapitolit iu dorëzua policisë të enjten pas një përplasjeje që paralizoi një pjesë të Uashingtonit për më shumë se pesë orë.
Shefi i Policisë së Kapitolit J. Thomas Manger u tha gazetarëve se personi i identifikuar si Floyd Ray Roseberry, parkoi automjetin e tij në një trotuar jashtë Bibliotekës së Kongresit amerikan në mëngjes dhe i tha një oficeri që iu afrua se kishte një bombë.
Policia mbylli rrugët dhe evakuoi ndërtesat aty pranë ndërsa negocionte me Roseberry-n.
"Ai u dorëzua dhe nuk rezistoi dhe oficerët ishin në gjendje ta merrnin në paraburgim pa incidente," tha zoti Manger.
Policia nuk tha nëse ai kishte ndonjë eksploziv.
Një video e transmetuar drejtpërdrejt në Facebook tregonte personin, duke folur nga brenda një kamioni të zi të parkuar në një trotuar.
"Revolucioni po vazhdon," thoshte ai. "Po përpiqem të lidhem në telefon me (Presidentin amerikan) Joe Biden".
Disa godina përreth u evakuuan, përfshirë Gjykatën e Lartë të Shteteve të Bashkuara. Një stacion metroje aty pranë u mbyll.
Policia bllokoi rrugët përreth kompleksit të Kapitolit ndërsa kamionët e zjarrfikësve dhe ekipeve të shpëtimit u nisën drejt zonës. Agjencia e Kontrollit të Armëve të zjarrit dhe Eksplozivëve tha se po dërgonte një teknik bombash për të ndihmuar policinë. Edhe Byroja Federale e Hetimit është angazhuar.
Zona zakonisht e mbushur me njerëz pranë Kongresit ishte relativisht e shkretë, pasi Dhoma e Përfaqësuesve e Shteteve të Bashkuara dhe Senati nuk kanë seanca.
Zona u rrethua me gardh të sigurisë së lartë pas sulmit vdekjeprurës të 6 janarit nga mbështetësit e ish-Presidentit Donald Trump, por ai u hoq në korrik.
***
Policia po heton një "kërcënim për bombë të aktivizuar" pranë ndërtesës së Kongresit në Uashington DC.
Policia e Kapitolit amerikan, tha se po negocionte me shoferin e një automjeti të dyshimtë pranë Bibliotekës së Kongresit, përballë ndërtesës së Kapitolit dhe Gjykatës Supreme.
“Motivet e shoferit mbeten të panjohura”, thanë ata, përcjell Bota sot.
Kongresi është në pushim, por disa punëtorë stafi po punojnë në Kapitol. Disa ndërtesa zyrash janë evakuuar.
Videot janë shpërndarë në mediat sociale.
“Burri parkoi automjetin në një trotuar dhe i tha një oficeri që iu afrua se ai kishte një bombë, ndërsa mbante atë që dukej si një shpërthyes”, tha shefi i policisë së Kapitolit, J Thomas Manger në një konferencë shtypi.
"Negociatorët e mi janë duke punuar shumë për të gjetur një zgjidhje paqësore të këtij incidenti", tha ai.
Disa anëtarëve të stafit në Capitol Hill fillimisht iu tha të qëndronin në vend dhe të strehoheshin në zyra.
***
Policia po heton një "kërcënim për bombë të aktivizuar" pranë Kapitolit amerikan në Uashington DC.
Policia e Kapitolit, tha se po negocionte me shoferin e një automjeti të dyshimtë pranë Bibliotekës së Kongresit, përballë ndërtesës së Kapitolit dhe Gjykatës Supreme, raporton BBC, përcjell Bota sot.
“Motivet e shoferit mbeten të panjohura”, thanë ata.
NOW: The USCP is responding to a suspicious vehicle near the Library of Congress.
— U.S. Capitol Police (@CapitolPolice) August 19, 2021
Please stay away from this area and follow this account for the latest information. pic.twitter.com/LMBYBTJn4t
Disa ndërtesa zyrash janë evakuuar. Kongresi është në pushim, por disa punëtorë stafi po punojnë në Kapitol./BS
