Administrata Amerikane e Ushqimit dhe Barnave (FDA) miratoi të enjten tabletat antivirale të Merck & Co për trajtimin e COVID-19, pasi një ditë më parë miratoi ilaçin nga kompania farmaceutike Pfizer Inc.
Ilaçi molnupiravir, i zhvilluar nga Merck me Ridgeback Biotherapeutics, redukton shtrimet në spital dhe vdekshmërinë me rreth 30 për qind në provat klinike të individëve me rrezik të lartë në fazat e hershme të sëmundjes.
Agjencia miratoi ilaçin oral për trajtimin e COVID-19 të butë deri në të moderuar te të rriturit në rrezik për zhvillimin e sëmundjeve serioze dhe për të cilët trajtimet alternative nuk janë të disponueshme ose janë klinikisht të papërshtatshme.
Qeveria e SHBA-së ka kontraktuar për të blerë 5 milionë trajtime të ilaçit, që kushton 700 dollarë për trajtim.
Monlnupiravir merret në tetë doza në ditë për tetë ditë, raporton AFP.
Ai funksionon duke hyrë në gjenomën e virusit për të shkaktuar mutacione që kufizojnë riprodhimin e tij.
Ilaçi nuk lejohet për pacientët nën moshën 18 vjeç, pasi molnupiravir mund të ndikojë në rritjen e kockave dhe kërcit, tha FDA.
Në tekst, FDA këmbëngul se të dy ilaçet e miratuara janë një shtesë e vaksinimit që duhet të mbetet mjeti kryesor në luftën kundër pandemisë COVID-19.
