Sekretarja e Thesarit e SHBA-së, Janet Yellen thuhet se do të anashkalojë seancat e takimit të financave të G20 të kësaj jave në shenjë proteste ndaj pushtimit rus të Ukrainës.
Yellen pritet gjithashtu të lobojë te anëtarët e Fondit Monetar Ndërkombëtar dhe Bankës Botërore për të rritur presionin financiar ndaj Moskës si hakmarrje për agresionin e tyre të vazhdueshëm, raporton BBC, përcjell Bota sot.
Ajo javën e kaluar kishte deklaruar se dënon "sulmin e paprovokuar të Vladimir Putin ndaj Ukrainës".
“Derisa Putini të përfundojë luftën e tij të tmerrshme të zgjedhjes, administrata Biden do të punojë me partnerët tanë për ta shtyrë Rusinë më tej drejt izolimit ekonomik, financiar dhe strategjik”, tha ajo.
Vërejtjet e saj i bëjnë jehonë asaj të Presidentit Joe Biden, i cili ka thënë se Rusia duhet të përjashtohet nga G20 dhe institucionet financiare ndërkombëtare.
Yellen do të mbledhë një panel të martën për të diskutuar përgjigjen ndërkombëtare ndaj një krize të sigurisë ushqimore të përkeqësuar nga pushtimi rus, tha Departamenti i Thesarit.
