Një motoçiklist në Florida po përballet me akuza të shumta pasi kaloi në të kuqen në një semafor ndërsa po ikte nga policia lokale, dhe arriti t’ju ikë për disa sekonda përpara se të goditej nga një kamion që po afrohej.
“Ky është një shembull kur dëshironi të vrisni veten”, thanë nga zyra e sherifit në Volusia.
Videoja tre minutëshe e shpërndarë nga policia, shfaq zëvendës-sherifin e Bissonnete, duke tentuar të ndalë një grup motoçiklistësh që po lëviznin me shpejtësi të madhe.
Ata injoruan urdhrat e tij për t’u ndalur, madje rritën shpejtësinë derisa tejkalonin përmes veturave tjera që ishin në trafik.
Kamera e vendosur brenda veturës zyrtare të policisë, shfaq motoçiklistët që bënin vozitje të rrezikshme në komunikacion dhe rrezikonin pjesëmarrësit e tjerë duke lëvizur me shpejtësi tejet të madhe.
Njëri nga motoçiklistët – Joshua Richardson arriti t’i ikë policisë dhe të vazhdojë drejt kryqëzimit, por aty u përplas nga një kamion.
Mrekullisht ai i shpëtoi përplasjes dhe arriti të ngritet në këmbë për të tentuar të ik duke vrapuar, por që u kap nga policia.
