Një tornado e fuqishme ka përfshirë Missourin juglindor para agimit të së mërkurës, duke shkaktuar shkatërrim të gjerë dhe duke vrarë shumë njerëz, ndërsa pjesë të tjera po përgatiten për stuhi të mëtejshme.
Sipas mediave të huaja, tornado “zbriti” rreth orës 3:30 të mëngjesit dhe u zhvendos nëpër një zonë rurale të qarkut Bollinger, rreth 50 milje (80 kilometra) në jug të St. Louis, tha Sgt. Clark Parrott i Patrullës së Autostradës së Shtetit të Missourit.
Ai tha se ajo shkaktoi “plagosje të shumëfishta dhe vdekje të shumta”, por ai nuk specifikoi se sa dhe nuk tha saktësisht se ku kanë ndodhur.
“Dëmi është mjaft i përhapur. Është thjesht zemërthyese ta shohësh atë”, tha Parrott.
Ai ka treguar se një operacion kërkimi dhe shpëtimi që përfshin agjenci të shumta ishte duke u zhvilluar dhe se ekuipazhet duhej të përdornin sharrë për të prerë pemët për të arritur në disa shtëpi.
Justin Gibbs, një meteorolog i Shërbimit Kombëtar të Motit në Paducah, Kentucky, tha se tornado mbeti në tokë për rreth 15 minuta, duke udhëtuar rreth 15-20 milje (24-32 kilometra).
