Një strukturë dragoi 14 metra e lartë ka marrë flakë gjatë një shfaqje në Disneyland në Kaliforni. Mediat e huaja shkruajnë se zjarri ka rënë gjatë shfaqjes së titulluar “Fantasmic” , ndërsa videot e publikuara në rrjetet sociale tregonin se koka e dragoit “Maleficent” ishte përfshirë nga flakët teksa shfaqja ishte në zhvillim e sipër.
Për shkak të flakëve një re e zezë e trashë tymi u pa duke mbuluar të gjithë parkun prej 100 hektarësh.
Për shkak të këtij incidenti shfaqja është ndërprerë papritur pasi të ftuarit dhe anëtarët e stafit të Disneyland u nxorrën nga skena ndërsa personeli i urgjencës punoi për të shuar zjarrin.
Ndërkohë fatmirësisht nga zjarri nuk pati të lënduar.
