Një ciklon ekstratropikal ka shkatërruar Brazilin jugor, duke lënë të paktën një person të vdekur, 24 të plagosur dhe rreth 790,000 banorë pa energji, thanë autoritetet lokale.
Mbrojtja Civile raportoi se cikloni shkaktoi përmbytje dhe dëme më të mëdha në shtetet e Rio Grande do Sul dhe Santa Catarina pranë kufirit me Argjentinën dhe Uruguain.
Qeveria rajonale tha më tej se në qytetin e Rio Grande, një person ka humbur jetën kur një pemë ka rënë mbi një shtëpi si pasojë e erërave, të cilat arritën shpejtësinë 140 km në orë mëngjesin e së enjtes.
Ndërkohë, Instituti Kombëtar i Meteorologjisë shpalli alarmin e kuq në rajonin jugor të Brazilit për shkak të ciklonit ekstratropikal, i treti në rajon në më pak se një muaj.
Personeli i Mbrojtjes Civile dhe komunave kanë përgatitur gjimnazet dhe shkollat si strehimore në rast evakuimesh.
Sipas raporteve të shtypit lokal, të paktën 10 autostrada në Rio Grande do Sul u bllokuan për shkak të ciklonit.
