Temperaturat në të gjithë pjesët e Evropës mbeten mbi 40 gradë Celcius, ndërsa janë ndezur zjarret në Greqi.
Erërat pranë Athinës kanë nxitur një zjarr të madh afër kryeqytetit grek, duke i detyruar njerëzit të largohen nga shtëpitë e tyre dhe ka djegur 35 km katror pyje dhe shkurre.
Autoritetet kishin deklaruar se zjarri i madh u kontrollua gjatë natës të mërkurën, por zjarrfikësit humbën kontrollin pasi ndikuan erërat e mëdha, thanë zyrtarët.
Kryeministri grek, Kyriakos Mitsotakis tha se “kohët e vështira nuk kanë mbaruar ende”, duke shtuar se “ne po përballemi me një tjetër valë të nxehtit dhe një fuqizim të mundshëm të erërave… kërkohet vigjilencë absolute dhe gatishmëri absolute gjatë ditëve në vijim”.
Ndërsa temperaturat pritet të ftohen pak deri në mes të 30 gradë Celsius, Zyra Metologjike parashikon se ato do të rriten sërish në rreth 41 gradë Celsius të dielën, raporton skynews.
Spanja dhe Italia janë përballur gjithashtu me nxehtësi të madhe ditët e fundit, me Murcia në Spanjën jugore dhe ishullin italian të Sicilisë që të dyja kanë barrën e nxehtësisë 44 gradë Celsius, me paralajmërime publike të lëshuara për fëmijët dhe të moshuarit.
Shërbimi spanjoll i lajmeve EFE tha se një burrë maroken vdiq në Murcia nga problemet e lidhura me nxehtësinë.
Ndërkohë në SHBA, Arizona po përgatitet për temperatura më të larta se 48 gradë Celsius – dita e 21-të me radhë që nxehtësia ka tejkaluar 43 gradë Celsius.
Në Luginën e Vdekjes në Kaliforni, e cila nuk është e panjohur për temperaturat e larta, një burrë 71-vjeçar u rrëzua dhe vdiq në fillim të javës, me rojet në Parkun Kombëtar që raportuan se ka të ngjarë të ishte më nxehtë se 50 gradë Celsius.
Lugina e Vdekjes, pika më e ulët në SHBA, mban rekordin për temperaturën më të nxehtë të regjistruar ndonjëherë në Tokë, në 56.7 gradë Celsius.
