Masat e sigurisë brenda dhe jashtë një gjykate amerikane në Atlanta po rriten përpara një aktakuze të mundshme kundër ish-presidentit Donald Trump.
Zyra e sherifit lokal tha se Rruga “Pryor”, e cila kalon përgjatë pjesës veriperëndimore të Gjykatës së Qarkut Fulton, do të mbyllet përgjatë hapësirës së bllokut të ndërtesës që nga ora 5 e mëngjesit EDT (0900 GMT) të hënën deri më 18 gusht.
Këmbësorët do të lejohen, por nuk do të ketë parkim publik në zonën rreth perimetrit të gjykatës në të dyja anët e rrugës.
Autoritetet tashmë kanë forcuar sigurinë në zonë, duke përfshirë instalimin e barrierave të sigurisë.
Masat vijnë pasi Prokurorja e Qarkut Fulton, Fani Willis, pritet të ngrit një aktakuzë para jurisë së madhe në hetimin e saj mbi përpjekjen e ish-presidentit për të përmbysur rezultatet e zgjedhjeve të shtetit në vitin 2020.
Prokurorja Willis ka treguar se ajo pret që çdo aktakuzë të ngrihet në gjysmën e parë të gushtit, duke iu dërguar një letër gjykatës dhe agjencive të zbatimit të ligjit në maj duke kërkuar që të mos zhvillohen seanca dëgjimore apo gjykime të tjera ndërmjet 7-14 gushtit.
