Katër persona u qëlluan me armë zjarre gjatë një ndeshje të ragbit në një shkollë të mesme në Oklahoma, ku një oficer policie qëlloi gjithashtu me armë.
Oficerët iu përgjigjën një raporti për të shtënat rreth orës 22:30 në një ndeshje në Choctaw midis shkollës së mesme Choctaw dhe shkollës së mesme Del City, tha shefi i policisë, Choctaw Kelly Marshall.
Viktimat janë dërguar në spital pas plagosjes me armë zjarri. Përveç viktimave të të shtënave, Marshall tha se një person e kishte thyer këmbën duke u përpjekur të ikte prej skenës.
Numri i sulmuesve të mundshëm ishte i panjohur, por u raportua se të shtënat u dëgjuan nga dy anë të ndryshme, raporton abcnews.
Shefi i policisë së Del City, Loyd Berger tha se oficerët e Del City ishin në ndeshje dhe njëri prej tyre qëlloi me armë, por nuk u lëndua.
Ndryshe, autoritetet policore amerikane kanë nisur hetimet dhe po kërkojnë ndihmën e qytetarëve në identifikimin e të dyshuarve.
