Departamenti i Mbrojtjes i Shteteve të Bashkuara ka kundërshtuar pretendimet ruse se municionet me uranium të varfëruar që do t’i dërgohen Ukrainës, shkaktonin kancer.
“CDC (Qendrat e SHBA për Kontrollin dhe Parandalimin e Sëmundjeve) ka deklaruar se nuk ka prova që municionet me uranium të varfëruar shkaktojnë kancer, Organizata Botërore e Shëndetësisë raporton se nuk ka pasur rritje të leuçemisë ose kancereve të tjera që janë krijuar pas ndonjë ekspozimi ndaj uraniumi, ose DU, madje edhe IAEA ka deklaruar pa mëdyshje se nuk ka asnjë lidhje të provuar midis ekspozimit të DU-së dhe rritjes së kancerit ose ndikimeve të rëndësishme shëndetësore ose mjedisore“, tha të enjten zëvendës sekretarja e shtypit e Pentagonit, Sabrina Singh.
Paketa e re e ndihmës ushtarake amerikane u njoftua nga Sekretari i Shtetit i SHBA Antony Blinken ndërsa ai ishte në një vizitë në Kiev të mërkurën.
“Shumë ushtarakë në mbarë botën përdorin uranium të varfëruar në tanket e tyre. Ne mendojmë se këto do të jenë raundet më efektive për të luftuar tanket ruse.”, theksoi Singh.
