Shtetet e Bashkuara janë të afta të mbështesin njëkohësisht Ukrainën në luftën e saj kundër Rusisë dhe Izraelit pas një sulmi brutal nga Hamasi, tha sekretari amerikan i Mbrojtjes, Lloyd Austin.
"Ne mund t'i bëjmë të dyja dhe do t'i bëjmë të dyja. Ne jemi kombi më i fortë në botë," tha Austin sot në Bruksel, në selinë e NATO-s.
SHBA ka filluar t'i japë Izraelit ndihmë ushtarake, duke përfshirë municione kyçe, dhe do të sigurojë më shumë përgjues për sistemin e mbrojtjes të Iron Dome të Izraelit, shtoi ministri amerikan. Uashingtoni ka dërguar gjithashtu trupa në rajon dhe është gati të vendosë burime shtesë.
"Për çdo vend, për çdo organizatë, për këdo që po mendon të përpiqet të përdorë agoninë në Izrael për të zgjeruar këtë konflikt ose për të derdhur më shumë gjak, ne kemi vetëm një fjalë: Mos! Ne do të vazhdojmë të sigurojmë që Izraeli të marrë atë që meriton të mbrojë veten dhe qytetarët e saj”, përfundoi Austin.
