Organizata e njohur shqiptare në SHBA “Rrënjët Shqiptare-Albanian Roots” arriti të mbledhë një shumë prej 1.6 milionë dollarësh në ndihmë të atdhetarëve të tyre të prekur nga tërmeti i 26 nëntorit 2019.
Sipas saj, kryetari Marko Kepi ishte menduar që në Lalzës të ndërtohej një kompleks për ata që mbetën të pastrehë nga katastrofa natyrore. Tashmë është marrë dhe leja për të ndërtuar kompleksin si dhe është hartuar edhe projekti.
“I madhi Sami Frasheri ka thënë ” Nëse do të mbjellësh për një vit, mbill misër dhe grurë. – Nëse kërkon që të mbjellësh përgjithmonë, mbill Arsim dhe Kulturë.” Idea për realizimin e një biblioteke, u propozua që femijët e kësaj zone të kenë të kenë një mundësi të barabartë me gjithë fëmijët e tjerë kur bëhet fjalë për librin, e mëqë jemi në prag festash besoj se do jetë një lajm i gëzueshëm për ta. Ambasada Hungareze është mbeshtetja e parë në këtë projekt dhe shumë të gatshëm për t’a ndërtuar sa më parë një bibliotekë! Nderkohë, ne si Organizatë, jemi në disa bisedime edhe me Organizata të tjera nëse duan të kontribuojnë në këtë projekt, pasi ndërtimi i kësaj qendre do jetë një oaz i mirë për të ardhmen e komunitetit të kësaj zone”, shkruan vetë presidenti i Albanian Roots Marko Kepi në rrjetet sociale.
E veçanta e këtij projekti është se krahas shtëpive do të ketë dhe një bibliotekë të madhe ku fëmijët dhe komuniteti i zonës të kenë një mundësi për t’u argëtuar. “Ambasada Hungareze është mbështetja e parë në këtë projekt dhe shumë të gatshëm për t’a ndërtuar sa më parë një bibliotekë!”, bën të ditur Kepi
Ky projekt u realizua vullnetarisht nga arkitekti 25-vjeçar nga Tuzi Ahmed Divanoviç, ka thënë Marko Kepi, kryetar i Organizatës shqiptare në SHBA “Rrënjët Shqiptare-Albanian Roots”.
