Pushimi nga puna i menaxheri dhe përgatitja e padisë ishin masat e para të ndërmarra nga Usain Bolt kur mësoi se e kishim mashtruar duke i grabitur miliona dollarë në llogarinë e tij bankare.
Ish-atleti xhamajkan pranon se është tronditur kur ka kuptuar se nga llogaria e tij i janë grabitur rreth 11.7 milionë euro.
“Nuk kam falimentuar, por pa dyshim që ka ndikuar shumë në financat e mia. Ishte e ardhmja ime.
Të gjithë e dinë që kam tre fëmijë, se po kujdesem për prindërit e mi dhe dua të jetoj akoma mirë”, – tha Bolt gjatë një eventi publicitar.
Aktualisht, në moshën 36-vjeçare, mbajtësi i rekordeve botërore dhe olimpike në 100 dhe 200 metra ishte një nga viktimat e shumta të kompanisë financiare xhamajkane “Stocks and Securities Limited” (SSL), që u kishte shakktuar klientëve një dëm prej 3 miliardë eurosh.
“Nuk dua të them shumë për këtë, por jam po aq konfuz sa gjithë të tjerët.
Është një situatë fatkeqe, sepse, si unë, ashtu edhe viktimat e tjera kemi punuar shumë për t’i fituar ato para”, ka përfunduar Bolt.
SSL nuk përmbushi afatin dhjetëditor të përcaktuar nga avokatët e Bolt për të zëvendësuar paratë dhe raportoi se tashmë ka nisur një hetim të brendshëm ndaj një ish-punonjësi si përgjegjës për mashtrimin.
