Ishte çështje kohë kur dikush do të kujtohej që të zgjeroj ndalesën për shitje të motorëve me benzinë dhe pajisje tjera të ngjashme, siç janë edhe kositëset e barit.
E personit të parë që i është kujtuar është guvernatori i Kalifornisë, Gawin Newsom. Ai ka vendosur të ndalojë shitjen e mjeteve motorike me djegie të brendshme, duke ndaluar kështu shitjen edhe të mjeteve tjera më të vogla motorike me benzinë.
Ai shpreson që nga viti 2024 të ndalojë shitjen e veturave me benzinë. E kompanitë që shesin me pakice mjete të ndryshme motorike me këtë derivat, do të ndalnin shitjen duke rritur kështu gjasat për një ambient më të pastër.
E në grupin e “small off-road engines” hyjnë prodhimet si kositëset e barit, agregatët, thithëset, kompresorët dhe pajisjet e tjera industriale motorike që prodhojnë deri në 25 kuaj-fuqi. Në listën e mjeteve të ndaluara për shitje, do të jenë edhe mjetet transportuese që shfrytëzohen në lojën e golfit.
Është interesant që në Kaliforni prodhime të tilla tejkalojnë numrin e veturave të shitura. Në total ekzistojnë 16.7 milionë, ku 77 e tyre përdoren për kopshte. E nëpër autostradat e Kalifornisë lëvizin rreth 13.6 milionë vetura.
