Parazitët e malaries, rezistentë ndaj ilaçeve, po përhapen me shpejtësi në Azinë Juglindore - Bota Sot
Parazitët e malaries, rezistentë ndaj ilaçeve, po përhapen me shpejtësi në Azinë Juglindore

Azia

Parazitët e malaries, rezistentë ndaj ilaçeve, po përhapen me shpejtësi në Azinë Juglindore

Më: 23 korrik 2019 Në ora: 09:45
Foto

Disa lloje të parazitëve, që janë rezistentë ndaj ilaçeve dhe që e shkaktojnë malarien, janë duke u shpërndarë me shpejtësi të madhe në pjesën juglindore të Azisë.

Hulumtuesit kanë paralajmëruar se kjo përhapje do ta sjellë dështimin në trajtimin e kësaj sëmundjeje.

Sipas një studimi të publikuar në revistën “Lancet Infectious Diseases”, rreth 80 për qind e parazitëve që shkakojnë malarien në Tajlandë, Vietnam dhe Kamboxhia tashmë janë rezistentë ndaj dy ilaçeve kryersore që përdoren kundër malaries.

“Këto gjetje shqetësuese janë dëshmi që problem i rezistencës së parazitëve falciparum ndaj ilaçeve të kombinuara në Azinë Juglindore është përkeqësuar nga viti 2015”, tha Olivo Miotto nga Universiteti i Oksfordit.

Një rezistencë e ngjashme ndaj ilaçeve kundër malaries kishte ndikuar në vdekjen e miliona njerëzve në Afrikë në vitet e tetëdhjeta.

Malaria vret më shumë se 400 mijë njerëz çdo vit, shumica e të cilëve janë fëmijë nga Afrika.

Më shumë se 200 milionë njerëz infektohen me parazitin falciparum, i cili është përgjegjës për 90 për qind të vdekjeve nga malaria, shkruan “The Guardian”

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...