Disa pjesë automobilash rezultuan pozitivë për koronavirusin, në zona të ndryshme të Kinës.
Fillimisht një kompani e pjesëve të automjeteve raportoi një rast të konfirmuar të Covid-19. Në Jincheng City, Provinca Shanxi, Kina e Veriut, Qendra Lokale për Kontrollin dhe Parandalimin e Sëmundjeve ka zbuluar virusin në paketimin e gomave të makinave, njoftoi dje Byroja e Parandalimit dhe Kontrollit.
Personeli i cili ra në kontakt të ngushtë me mallrat, u vendos në karantinë dhe të gjithë u testuan negativisht. Pjesët që rezultuan me Covid janë nën kontroll.
Sipas autoriteteve lokale, tre mostra të tjerë pozitivë të marrë nga paketimi i pjesëve të automjeteve u gjetën në qytetin Cangzhou.
Testet e acidit nukleik u kryen në pjesët e automobilave dhe personelin e lidhur në disa qytete në Kinë, pasi një punonjës i një kompanie të pjesëve të automjeteve në Pekin u diagnostikua me COVID-19 lidhur me disa paketime të pjesëve të automjeteve, që dolën më pas edhe ata pozitivë për virusin, në fund të dhjetorit.
