Lideri suprem i Koresë së Veriut, Kim Jong Un, ka bërë thirrje për avancim të armëve bërthamore dhe i ka quajtur Shtetet e Bashkuara të Amerikës si “armikun më të madh”.
Këto deklarime të Kim Jong Un po cilësohen si një sfidë e ashpër për Presidentin e sapozgjedhur amerikan, Joe Biden, i cili pritet së shpejti ta marrë detyrën, shkruan Reuters.
“Politikat armiqësore të Washingtonit nuk do të ndryshojnë pavarësisht se kush e okupon Shtëpinë e Bardhë, por heqja dorë nga ato politika do të ishte thelbësore për marrëdhëniet Kore e Veriut – SHBA”, ka thënë ai për agjencinë shtetërore të lajmeve KCNA.
“Aktivitetet tona të jashtme politike duhet të përqendrohen dhe ridrejtohen në nënshtrimin e SHBA-ve, armikut tonë më të madh dhe pengesës kryesore për zhvillimin tonë të përtërirë”.
