Mijëra pakistanezë marshuan në mbështetje të palestinezëve të premten ndërsa një armëpushim midis Izraelit dhe Hamasit hyri në fuqi pas 11 ditësh luftimesh.
Duke hequr mënjanë kufizimet e lidhura me pandeminë e koronavirusit, njerëzit tundnin flamujt palestinezë dhe kishin në duar pankarta që shkruanin “Të gjithë bashkohen për të liruar Palestinën” dhe “Bojkotoni Izraelin”.
Protestat u zhvilluan shumë të organizuara nga grupe islamike, në një numër qytetesh në të gjithë vendin duke përfshirë Islamabad dhe Karaçi. Në Peshawar demonstruesit dogjën flamujt izraelitë.
Ndërkohë, shpërthimi i bombe që ndodhi në qytetin Chaman në provincën Balochistan afër kufirit afgan, plagosi 13 persona, tha shefi i policisë së rajonit, Jafar Khan, me Reuters.
“Çështja Palestineze është më shumë një çështje humanitare sesa një çështje fetare. Ju nuk keni nevojë të jeni mysliman ose i krishterë për të dënuar çdo gjë që po ndodh në Palestinë. Ju duhet të jeni një qenie njerëzore për ta dënuar atë”, tha ministri i Informacionit, Chaudhry Fawad Hussain të premten.
Pakistani, një vend kryesisht mysliman, nuk ka marrëdhënie diplomatike me Izraelin.
Kryeministri Imran Khan përshëndeti tubimet e së premtes në të gjithë Pakistanin dhe tha se opinioni ndërkombëtar po anonte në favor të Palestinezëve.
