Stuhitë kanë sjellë një dëm ekonomik prej më shumë se 175 miliardë dollarësh gjatë viteve të fundit.
20 ciklone tropikale parashikohet të godasin vendet e Azisë Lindore deri në Shtator të këtij viti.
Ciklonet tropikale, të njohur gjithashtu si tajfunë dhe uragane, mund të shoqërohen me erëra deri në 250 km/h dhe me reshje të fuqishme të cilat mund të shkaktojnë probleme në rajonet bregdetare.
Stuhi të tilla kanë sjellë shkatërrimin e mijëra shtëpive dhe një dëm prej gati 175 miliardë dollarë në të gjithë Azinë në dekadën e fundit.
Pesë stuhi parashikohet se do të godasin tokën në rajonet e Kinës Lindore, Tajvanit, Kinës Jugore, Vietnamit dhe Filipineve, kanë bërë të ditur parashikuesit e motit në Universitetin e Qytetit të Hong Kongut, ndërsa Japonia dhe Korea mund të përjetojnë vetëm dy.
Ky total tejkalon mesataren 30-vjeçare të rajonit prej 13.5 ciklone në muajt nga Prilli deri në Shtator, sipas parashikimit.
Qendra e Ndikimit të Klimës Azi-Paqësore Guy Carpenter raporton se numri i cikloneve tropikale është afër mbi normalen.
Ngrohja globale gjithnjë e më shumë po i bën stuhitë më të egra, paralajmërojnë shkencëtarët. Rritja e temperaturave dhe ngrohja e oqeaneve dhe deteve po ndihmon në nxitjen e stuhive më të forta.
Me një temperaturë më të lartë se mesatarja globale, Oqeani Paqësor Perëndimor përjeton më shumë stuhi se çdo pjesë tjetër e botës.
Në mes të Prillit, Surigae, supertajfuni i parë i vitit detyroi evakuimin e më shumë se 100,000 njerëzve.