Katari po punon me talebanët për të rihapur aeroportin e Kabulit sa më shpejt të jetë e mundur, tha ministri i tij i jashtëm të enjten, duke u kërkuar islamistëve të ashpër të lejojnë afganët të largohen nga vendi, raporton France24.
Aeroporti, skena e një evakuimi të tërbuar i cili përfundoi me tërheqjen e trupave amerikane të martën, është jashtë funksionit me pjesën më të madhe të infrastrukturës së tij të shkatërruar ose degraduar.
"Ne po punojmë shumë (dhe) mbetemi me shpresë se do të jemi në gjendje ta përdorim atë sa më shpejt të jetë e mundur," tha Ministri i Jashtëm i Katarit Shejh Mohammed bin Abdulrahman al-Thani.
"Shpresoj se në ditët në vijim do të dëgjojmë disa lajme të mira," shtoi Shejh Mohamed.
"Është shumë e rëndësishme ... që talebanët të demonstrojnë angazhimin e tyre për të siguruar kalim të sigurt dhe liri të lëvizjes për njerëzit e Afganistanit," tha ai në një konferencë shtypi në Doha.
