Militantët talebanë në Afganistan kanë vrarë një oficere policie në një qytet krahinor, i thanë të afërmit BBC-së.
Gruaja, e identifikuar në mediat lokale si Banu Negar, është ekzekutuar në derë të shtëpisë në sy të të afërmve të saj në Firozkoh, kryeqyteti i provincës qendrore Ghor.
Kjo vrasje vjen në një moment kur në Afganistan janë rritur raportimet për dhunën ndaj grave. BBC shkruan talebanët kanë deklaruar se do të nisin një hetim lidhur me këtë ngjarje.
Detajet e incidentit janë ende të paqarta pasi shumë në Firozkoh kanë frikë nga ndëshkimi nëse flasin. Të afërmit treguan imazhe grafike që tregonin gjak të spërkatur në një mur në cep të një dhome dhe një trup, me fytyrë të shpërfytyruar rëndë.
Familja thotë se Negar, i cili punonte në burgun lokal, ishte tetë muaj shtatzënë.
Tre persona të armatosur mbërritën në shtëpi të Shtunën dhe e kontrolluan policien, para se të lidhnin anëtarët e familjes dhe ta qëllonin atë para tyre.
Vrasësit u dëgjuan duke folur arabisht, tha një dëshmitar.
