34 mijë persona janë testuar për COVID-19 në Shangai Disneyland pasi një vizitor rezultoi pozitiv.
Mijëra njerëz u mbyllën brenda Disneyland në Shangai teksa prisnin një test për koronavirus pasi një vizitor i mëparshëm doli pozitiv.
Pas një protokolli zero-COVID, Kina ka zbatuar kufizime të rrepta në përgjigje të çdo shpërthimi të ri të virusit që u shfaq për herë të parë në vend në fund të vitit 2019, shkruan Euronews.
Të hënën, Shangai Disneyland mbylli dyert pasi një klient rezultoi pozitiv për COVID-19 pasi u kthye në provincën e saj pranë Shangait.
Menaxhmenti i parkut tha se do të qëndrojë i mbyllur të paktën të hënën dhe të martën..
Të gjitha testet ishin negative, por të prekurit duhet të përmbahen nga ndjekja e shkollës ose punës për të paktën 48 orë dhe t’i nënshtrohen testimeve të mëtejshme.
Rreth gjashtë milionë njerëz në Kinë janë aktualisht nën izolim për shkak të shpërthimit të fundit, kryesisht në qytetin e madh të Lanzhou, 1200 kilometra në perëndim të Pekinit.
Megjithatë, jeta në qytete mbetet kryesisht normale.
