Ish-kryeministri i Pakistanit, Imran Khan ka folur për herë të parë pasi u plagos me armë zjarri disa ditë më parë në një protestë në qytetin e Ëazirabad.
Në një videmoesazh nga spitali në qytetin e Lahor, Khan deklaroi se ai nuk do t’i kishte mbijetuar sulmit nëse dy autorët e ngjarjes do të kishin sinkronizuar lëvizjet me njëri-tjetrin.
“Pasi më qëlloi një prej tyre, unë u rrëzova. Ndërkohë që autori tjetër mendoi se unë kisha vdekur” – tha Khan.
Muajin e kaluar, komisioni zgjedhor i Pakistanit e skualifikoi Khan nga mbajtja e posteve publike, në një rast të përshkruar nga ish-ylli i kriketit si i motivuar politikisht.
Në një video të publikuar nga policia, një burrë i akuzuar se e qëlloi atë tha se ish-lojtari i kriketit po “mashtronte” njerëzit dhe se ai “dëshironte ta vriste” për këtë.
