Tetë persona kanë vdekur dhe gati 46,000 janë dëbuar me forcë nga shtëpitë e tyre në Filipine. Vendi u godit nga përmbytjet e mëdha në ditën e Krishtlindjes, thanë autoritetet e mbrojtjes civile.
Për më tepër, fati i 19 personave nuk dihet pas një jave shirash të dendur sezonalë në pjesën jugore dhe lindore të arkipelagut, shtuan ata.
Roja Bregdetare tha se shpëtoi më shumë se njëzet familje nga përmbytjet në qytetet Clarin dhe Ozamiz.
“Uji ishte deri në nivele të larta në disa zona, por pushoi shiu,” tha anëtari i mbrojtjes civile Robinson Lacre nga qyteti Ginggug. Nga 45,700 njerëz që u zhvendosën nga shtëpitë e tyre, 33,000 jetonin në Gingug.
Katër vdekje, tre nga mbytja, u raportuan në qytetet fqinje të Jimenes dhe Tudela, në pjesën jugore të vendit.
Dy persona të tjerë, përfshirë një vajzë të vogël, u mbytën në qytetet Libmanan dhe Tinbak, në pjesën lindore të vendit, thanë autoritetet e mbrojtjes civile.
Dy anëtarë të ekuipazhit të një varke peshkimi vdiqën gjithashtu kur varka e tyre u përmbys nga erërat e forta në ditën e Krishtlindjeve në ishullin Leyte në Filipinet qendrore, tha roja bregdetare, ndërsa gjashtë persona të tjerë u shpëtuan.
Filipinet konsiderohen si një nga vendet më të cenueshme ndaj efekteve të ndryshimeve klimatike dhe shkencëtarët paralajmërojnë se stuhitë do të bëhen më të forta me rritjen e temperaturës së planetit sipas APE-MPE.
