Në mes të Himalajeve të fuqishme në Kashmirin e administruar nga India shtrihet ura më e lartë hekurudhore në botë, përcjell Bota sot.
Ura mbi lumin Chenab - 1,315 metra e gjatë dhe 359 metra e lartë nga shtrati i lumit - do të lidhë rajonin e largët me rrjetin e gjerë hekurudhor të Indisë duke ofruar lidhje nga të gjitha anët.
Në kulmin e dimrit, një pjesë e madhe e rajonit të diskutueshëm është shkëputur nga pjesa tjetër e Indisë.
Ura, më e lartë se Kulla Eifel në Paris, shtrihet midis fshatrave Bakkal dhe Kauri në rrethin Reasi të zonës jugore Jammu të Kashmirit.
E ndërtuar me një kosto prej 168 milion dollarë, ura është pjesë e projektit Udhampur-Srinagar-Baramulla Rail Link (USBRL), i cili do të lidhë qytetin kryesor të rajonit të Srinagar me kontinentin e Indisë nëpërmjet rrjeteve hekurudhore në të cilat filloi puna në 1999.
