Pekini ka regjistruar ditën e tij më të nxehtë të qershorit në më shumë se 60 vjet me tempreaturë 41.1C, thonë autoritetet kineze të motit.
Qyteti po përjeton një valë të nxehti të zgjatur me temperatura ekstreme që do të vazhdojnë deri në fund të qershorit.
Të enjten, zyrtarët thanë se ishte dita më e nxehtë e qershorit që nga fillimi i mbajtjes së të dhënave në vitin 1961.
Disa rekorde mujore të nxehtësisë janë thyer në të gjithë Kinën këtë vit, duke shkaktuar frikën për një krizë energjie.
Muajin e kaluar, qyteti më i madh i vendit, Shangai, me 25 milionë njerëz që jetojnë në bregun lindor, regjistroi ditën e tij më të nxehtë të majit në një shekull.
Më shumë se 21 milionë njerëz jetojnë në Pekin, kryeqyteti i vendit në veri. Të enjten, një stacion meteorologjik në veri të qytetit regjistroi një temperaturë maksimale prej 41.8C.
Autoritetet më herët lëshuan një alarm portokalli, paralajmërimi i dytë më i ashpër i motit, duke thënë se temperaturat mund të arrijnë 39C në ditët deri të shtunën.
Byroja kombëtare e motit lëshoi gjithashtu një alarm për goditje të nxehtë javën e kaluar – dy javë më herët se në vitet e mëparshme.
Autoritetet lokale në Pekin, Tianjin dhe qytete të tjera në Kinën veriore dhe lindore, këshilluan njerëzit të pezullojnë punën në natyrë gjatë pjesëve më të nxehta të ditës dhe të marrin ndihmë mjekësore nëse shfaqin simptoma të një goditjeje nga nxehtësia.
Disa kanë paralajmëruar gjithashtu njerëzit dhe bizneset që të frenojnë përdorimin e tyre të energjisë elektrike.
