Ish-kryeministrit të Pakistanit, Imran Khan, i është ndaluar të mbajë poste publike për pesë vite nga autoritetet elektorale të vendit, pasi ky i fundit u dënua me 3 vite burg para disa ditësh.
Vendimi është bërë i ditur nga Komisioni Zgjedhor i Pakistanit tri ditë pasi Khan u dënuar me tri vjet burgim për korrupsion. Vendimi i të martës po ashtu nënkupton se Khan do ta humbë mandatin e deputetit.
Ish-kryeministri vazhdon të insistojë se akuzat ndaj tij janë të motivuara politikisht, por Qeveria e Pakistanit e mohon këtë.
70-vjeçari ishte zgjedhur si lider i Pakistanit në vitin 2018, por vitin e kaluar u rrëzua në një mocion votëbesimi. Ai është shpallur fajtor për korrupsion, nën akuzat se nuk ka deklaruara si duhet dhuratat dhe të ardhurat që ka marrë nga shitja e tyre.
