India ka njoftuar qytetarët që udhëtojnë ose jetojnë në Kanada që të ushtrojnë kujdes maksimal, dhe ky këshillimi vjen një ditë pasi tensionet u përshkallëzuan midis vendeve me secilin që dëboi një diplomat nga pala tjetër.
Kanadaja tha se po hetonte akuzat e besueshme që lidhin shtetin indian me vrasjen e një lideri separatist Sikh, ndërsa India e mohoi me forcë këtë, duke i quajtur akuzat “absurde”.
Analistët thonë se marrëdhëniet midis vendeve, të cilat kanë qenë të tensionuara prej muajsh, janë tani në nivelin më të ulët historik, raporton BBC.
Ministria e Jashtme e Indisë tha se lëshoi këshillën në funksion të rritjes së aktiviteteve kundër Indisë dhe krimeve të urrejtjes dhe dhunës kriminale të miratuara politikisht në Kanada.
Qeveria indiane shpesh ka reaguar ashpër ndaj kërkesave të separatistëve Sikh në vendet perëndimore për Khalistanin. Ajo u shtyp me forcë dhe ka pak rezonancë në Indi tani.
