Ka kaluar një javë nga sulmet e Hamasit ndaj Izraelit dhe është ende e paqartë nëse forcat izraelite do të të nisin një sulm tokësor në Gaza.
Izraeli ka kryer sulme të rënda ajrore në Gaza dhe ka sinjalizuar se do të shtojë numrin e tyre, raporton cnn.
Po ashtu është duke e shtrënguar hyrjet/daljet në territor edhe pse ka filluar një krizë humanitare.
Izraeli ka urdhëruar më shumë se një milion njerëz në Gaza të evakuohen drejt jugut përpara një operacioni të mundshëm tokësor izraelit, sipas Kombeve të Bashkuara.
Shumë në enklavë lanë shtëpitë e tyre të premten, por njerëzit po ikin nga vendet për t’u strehuar pasi Gaza po kthehet në një shkretëtirë nga bombardimet izraelite.
Ku qëndrojnë gjërat:
Veprime ofensive nga Izraeli: Përveç sulmeve të vazhdueshme ajrore, trupat izraelite kanë kryer bastisje lokale gjatë ditës së kaluar në Rripin e Gazës, duke kërkuar pengje dhe duke mbledhur prova për të gjetur njerëzit e robëruar nga Hamasi, pohuan Forcat Mbrojtëse të Izraelit. Ndërkohë, Izraeli ka grumbulluar më shumë se 300 mijë rezervistë përgjatë kufirit të Gazës për një operacion potencial të plotë tokësor.
Izraeli është akuzuar gjithashtu nga Ministria Palestineze e Shëndetësisë për “shënjestrimin dhe vrasjen e personelit mjekësor dhe të ambulancës gjatë misioneve të tyre humanitare për evakuimin e viktimave të agresionit”.
Shqetësimet humanitare: OKB-ja tha se thirrjet për evakuimin e 1.1 milion njerëzve në Gaza janë “të pamundura” dhe i ka kërkuar ushtrisë izraelite të tërhiqet, sipas Stéphane Dujarric, zëdhënës i Sekretarit të Përgjithshëm të OKB-së. Dujarric tha se një evakuim i tillë masiv do të kishte “pasoja shkatërruese humanitare”.
Çfarë thotë Hamasi: Një zyrtar i lartë i Hamasit tha të premten se situata aktuale në Gaza përfaqëson “një përpjekje jashtëzakonisht të guximshme dhe brutale për të larguar me forcë popullin indigjen palestinez nga toka e tyre”. Zyrtari i quajti veprimet e Izraelit në Gaza “çnjerëzore” dhe “barbare”, duke shtuar se Hamasi “nuk do të dorëzojë luftën legjitime për liri dhe vetëvendosje”.
Kontributi ndërkombëtar: Shtëpia e Bardhë thotë se zyrtarët e sigurisë kombëtare ishin në kontakt me zyrtarë të Kombeve të Bashkuara të enjten dhe të premten në lidhje me krizën humanitare në Gaza, por nuk pranuan të ofronin detaje rreth përparimit në nxjerrjen e shtetasve të huaj nga zona.
Vassily Nebenzia, përfaqësuesi i përhershëm i Rusisë në Kombet e Bashkuara, po qarkullon një projekt-rezolutë në Këshillin e Sigurimit të OKB-së që kërkon një armëpushim në luftën “Izrael-Gaza”. Hamasi tha në një deklaratë të shtunën në mëngjes se mirëpret “përpjekjet e palodhura të Rusisë” që synojnë ndalimin e agresionit të Izraelit kundër territorit.
Sulmet në Liban: Izraeli po kryen sulme me dronë ndaj objektivave të Hezbollahut në Liban, thanë Forcat Mbrojtëse të Izraelit (IDF). Kjo vjen pasi ushtria izraelite bombardoi Libanin jugor në përgjigje të një shpërthimi në një gardh sigurie pranë kufirit libanez-izraelit të premten, tha IDF. Ekziston frika në rritje e fraksionit militant shiit me bazë në Liban, Hezbollah, që do të hyjë në konflikt.
Shqetësime për një konflikt më të gjerë rajonal: Ministri i Jashtëm i Jordanisë, Ayman Safadi tha se vendi i tij është “jashtëzakonisht i shqetësuar” për përhapjen e konfliktit në Izrael dhe se po punon për të de-përshkallëzuar situatën.
Nga fqinjët e afërt të Izraelit, ai është në paqe vetëm me Jordaninë dhe Egjiptin, dhe zyrtarisht është në gjendje lufte me Libanin dhe Sirinë. Izraeli ka thënë se është gati në rast se do të ketë sulme nga këto dy vende.
