Agjencia e Kombeve të Bashkuara për Ndihmën dhe Punën për Refugjatët Palestinë në Lindjen e Afërt (UNRWA) po paralajmëron se “më shumë se 2 milionë njerëz janë në rrezik pasi uji po mbaron” në Gaza.
“Është bërë çështje jete a vdekjeje.
Është një domosdoshmëri; karburanti duhet të dërgohet tani në Gaza për të vënë në dispozicion ujin për 2 milionë njerëz,” tha Philippe Lazzarini, komisioneri i përgjithshëm i UNRWA.
“Ne duhet të dërgojmë furnizime në Gaza tani. Furnizimi është e vetmja mënyrë që njerëzit të kenë ujë të pijshëm të sigurt. Nëse jo, njerëzit do të fillojnë të vdesin nga dehidratimi i rëndë, mes tyre fëmijë të vegjël, të moshuar dhe gra. Uji tani është linja e fundit e mbetur e shpëtimit. Apeloj që tani të hiqet rrethimi për ndihmën humanitare.”, theksoi ai.
