Zëdhënësi i lartë ushtarak izraelit përsëriti thirrjen që banorët e Gazës të evakuohen në jug, pasi ai tha se një sulm ndaj qytetit të Gazës do të pasonte "së shpejti".
"Është për sigurinë tuaj personale," tha kundëradmirali Daniel Hagari në një fjalim televiziv. Ai nuk tha se kur do të fillonte saktësisht operacioni.
Forcat Ajrore izraelite kanë goditur qytetin e Gazës për një javë dhe një zyrtar i Ministrisë së Shëndetësisë së Gazës e përshkroi më parë qytetin si një "skenë të tmerrshme shkatërrimi".
Kundëradmirali Hagari akuzoi gjithashtu Hamasin se po përpiqet të përdorë civilët si "mburoja njerëzore".
Ushtria izraelite më parë pretendoi se kishte prova se grupi militant kishte vendosur një bllokim rrugësh në rrugën qendrore, duke penguar njerëzit të iknin në jug.
