Sipas një deklarate nga Ministria e Punëve të Jashtme të Pakistanit, një fluturim special që transportonte ndihma për Gazën, duke përfshirë komplete higjienike, ilaçe dhe racione ushqimore, është nisur nga Pakistani në rrugën e tij për në Egjipt.
Ministri i Jashtëm, Jalil Abbas Jilani dhe Ministri për të Drejtat e Njeriut, Khalil George, së bashku me ambasadorin palestinez në Pakistan, ishin të pranishëm në ceremoninë e dërgimit në Aeroportin Ndërkombëtar të Islamabadit, raporton CNN.
Sipas deklaratës, ministri i Jashtëm “shpreh solidaritetin e plotë të Pakistanit me vëllezërit dhe motrat e tij palestineze dhe dënoi përdorimin brutal, disproporcional dhe pa dallim të forcës nga Izraeli kundër civilëve, përfshirë gra dhe fëmijë, të rrethuar aktualisht në Gaza”.
Jilani gjithashtu bëri thirrje për një fund të menjëhershëm të “agresionit izraelit” dhe një “heqje të rrethimit të Gazës”.
Dërgesa e parë e ndihmës nga Pakistani, e përbërë nga 100 tonë furnizime, u dërgua më 19 tetor.
