57 vendet arabe dhe islamike janë mbledhur në një takim urgjent në Riyad të Arabisë Saudite duke bërë një thirrje për armëpushim të menjëhershëm në Gaza.
Arabia Saudite akuzoi komunitetin ndërkombëtar për standarde të dyfishta. Ministri i Jashtëm saudit tha se Këshilli i Sigurimit i OKB-së kishte dështuar të përmbushë përgjegjësitë e tij duke mos i kërkuar llogari Izraelit për veprimet në Gaza.
Kreu i Ligës Arabe tha se shpreson që Perëndimi do t’i vërë veshin mesazhit që vjen nga një e katërta e anëtarësimit në OKB.
Irani dhe Siria donin të shkonin më tej, duke kërkuar veprime konkrete si ndërprerja e marrëdhënieve midis Izraelit dhe disa vendeve të rajonit, por kjo u refuzua.
BBC ka raportuar se zyrtarët diskutuan gjithashtu për zhgënjimin e tyre me aleatët e tyre perëndimorë, duke vënë në dukje dënimin e Perëndimit për veprimet e Rusisë në Ukrainë, ndërkohë që në masë të madhe nuk arriti të bëjë të njëjtën gjë me Izraelin për Gazën.
