Zëdhënësi i Forcave të Mbrojtjes të Izraelit, Daniel Hagari, ka thënë se trupat izraelite do të avancojnë kudo ku gjendet Hamasi, duke përfshirë pjesën jugore të Rripit të Gazës.
Ditët e fundit, ka pasur indikacione në rritje se një ofensivë tokësore në pjesën jugore të enklavës mund të jetë e pashmangshme.
Udhëheqësit izraelitë kanë deklaruar se pjesa veriore e Gazës, përfshirë qytetin e Gazës, tani është nën kontrollin e Izraelit. Kryeministri izraelit Benjamin Netanyahu ka ofruar pak informacion në lidhje me planin e tij të operacionit pas-ushtarak për Gazën.
Ndërkohë, më shumë karburant u lejua në Gaza të premten pasi sistemet e ujit dhe kanalizimit janë në prag të kolapsit, tha këshilltari i sigurisë kombëtare i Izraelit, Tzachi Hanegbi. Mungesa e karburantit ka ndikuar edhe në gjendjen e rëndë në spitale, ku mjekët thanë se pacientët në njësinë e kujdesit intensiv kanë vdekur dhe operimet janë ndërprerë për shkak të mungesës së energjisë elektrike.
Gjithashtu, palët negociuese po përpiqen të arrijnë një marrëveshje për lirimin e pengjeve në Gaza. Kjo vjen pasi të paktën dy pengje u gjetën të vdekur në enklavë gjatë dy ditëve të fundit, tha ushtria izraelite.
