LIVE: Ashpërsohet lufta, Netanyahu ‘kërcënon’ Hamasin me “eliminim” – vjen thirrja e fuqishme nga Amerika

Sekretari amerikan i Shtetit, Antony Blinken, tha të enjten se ia ka bërë të qartë kryeministrit të Izraelit, Benjamin Netanyahu, se ushtria izraelite duhet ta sigurojë mbrojtjen e civilëve para se ta nisë ofensivën në jug të Rripit të Gazës, dhe se Qeveria e Izraelit është pajtuar për këtë.

“Izraeli e ka... njërën prej ushtrive më të sofistikuara në botë. Ajo është në gjendje ta neutralizojë kërcënimin që i vjen nga Hamasi, duke e minimizuar njëkohësisht dëmtimin e burrave, grave dhe fëmijëve të pafajshëm. Dhe është e detyruar ta bëjë këtë”, tha Blinken në Tel Aviv.

Blinkeni mbërriti në Izrael të enjten, për vizitën e tij të tretë në rajon prej se nisi më 7 tetor lufta mes Izraelit dhe Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian.

Më 24 nëntor, Izraeli u pajtua ta ndalë ofensivën në Gazë pas një marrëveshjeje armëpushimi me Hamasin, në këmbim të lirimit të rreth 240 pengjeve izraelite që pjesëtarët e grupit radikal i rrëmbyen gjatë sulmit në jug të Izraelit muajin e kaluar, mu mbetën të vrarë mbi 1.200 izraelitë.

Ofensiva ajrore dhe tokësore e Izraelit në veri të Gazës ka qenë shkatërruese, duke i lënë mbi 14.800 palestinezë të vrarë, dhe duke i detyruar mijëra të tjerë të zhvendosen në jug të vendit, ku janë përballur me mungesë thelbësore të ushqimit, rrymës dhe ujit.

Derisa Izraeli ka filluar të mendojë për vazhdimin e luftës kundër Hamasit edhe në jug të Gazës pasi të ketë përfunduar armëpushimi, zyrtarët amerikanë thanë më 28 nëntor se janë duke biseduar me Izraelin për ta këshilluar të jetë më i kujdesshëm në jug, ku tani ndodhen rreth 2 milionë njerëz.

Të enjten në mëngjes, autoritetet izraelite njoftuan për zgjatjen e armëpushimit për edhe një ditë.

Megjithatë, Izraeli është zotuar se do ta rifillojë luftën në përpjekje për ta shkatërruar Hamasin dhe për t’i dhënë fund sundimit të tij 16-vjeçar në Rripin e Gazës, megjithatë është duke u përballur me trysni në rritje ndërkombëtare për ta kursyer Gazën jugore nga një ofensivë shkatërruese tokësore si ajo e cila e rrënoi shumicën e pjesës veriore./REL

Izraeli dhe Hamasi arritën një marrëveshje të minutës së fundit të enjten për të zgjatur armëpushimin edhe për një ditë, ndërsa ndërmjetësit vazhduan bisedimet për mundësinë e zgjatjes së mëtejshme të afatit të tij. Kjo do të bënte të mundur lirimin e pengjeve të tjera dhe hyrjen e ndihmave në Gazë.

Megjithatë një sulm vdekjeprurës në Jeruzalem ku persona të armatosur vranë të paktën tre vetë, ishte një kujtesë e rrezikut për përhapjen e dhunës. Dy autorët e sulmit në një stacion autobuzi ishin vëllezër palestinezë. Policia tha se ata u "neutralizuan".

“Kjo ngjarje dëshmon sërish se ne nuk duhet të tregojmë dobësi, se duhet t'i flasim Hamasit vetëm përmes armëve, vetëm përmes luftës”, tha ministri i djathtë i Sigurisë Kombëtare, Itamar Ben-Gvir.

Izraeli, i cili i ka kërkuar Hamasit lirimin e të paktën 10 pengjeve në ditë për të vazhduar armëpushimin, tha se kishte marrë minutën e fundit një listë të personave që do të lirohen të enjten dhe anuloi planet për të rifilluar sulmet në mëngjes.

"Në dritën e përpjekjeve të ndërmjetësve për të vazhduar procesin e lirimit të pengjeve dhe në përputhje me kushtet e marrëveshjes, pauza në luftime do të vazhdojë," tha ushtria izraelite në një deklaratë.

Edhe Hamasi, që liroi 16 pengje të mërkurën, tha gjithashtu se armëpushimi do të vazhdojë për të shtatën ditë. Izraeli liroi 30 të burgosur palestinezë.

Sekretari amerikan i Shtetit, Antony Blinken, që ndodhet në Izrael për vizitën e tij të tretë në Lindjen e Mesme që nga fillimi i luftës, tha se armëpushimi "po prodhonte rezultate dhe shpresojmë që të vazhdojë".

"Kemi parë gjatë javës së fundit një zhvillim shumë pozitiv me kthimin e pengjeve në shtëpitë e tyre, duke u bashkuar me familjet e tyre. Dhe kjo duhet të vazhdojë sot," tha ai. "Kjo ka mundësuar gjithashtu një rritje të ndihmës humanitare për civilët e pafajshëm në Gazë, të cilët kanë nevojë të jashtëzakonshme për të."

Megjithatë bisedimet mund të bëhen më të vështira, duke qenë se Hamasi tashmë ka liruar shumicën e grave dhe fëmijëve të rrëmbyer gjatë sulmit vdekjeprurës të 7 tetorit në Izrael që ndezi konfliktin. Në këto kushte, militantët mund të vendosin kushte të reja në këmbim të lirimit të meshkujve dhe ushtarëve.

Deri tani, gjatë armëpushimit, militantët kanë liruar 97 pengje: 70 gra dhe fëmijë izraelitë, secili i liruar në këmbim të tre grave palestineze dhe të burgosurve adoleshentë, plus 27 pengje të huaj të liruar sipas marrëveshjeve paralele me qeveritë përkatëse./VOA

Sekretari amerikan i Shtetit Antony Blinken i tha Izraelit të enjten se duhet të garantojë sigurinë e civilëve palestinezë në Gazën jugore dhe plotësimin e nevojave të tyre humanitare, përpara se të rifillojë operacionet ushtarake, tha zëdhënësi i tij.

Sekretari Blinken u takua me kryeministrin Benjamin Netanyahu dhe kabinetin e tij të luftës në Jeruzalem dhe më pas shkoi në Ramallah në Bregun Perëndimor për t’u takuar me presidentin e Autoritetit Palestinez Mahmoud Abbas.

Është vizita e tij e tretë në Lindjen e Mesme që nga sulmi i Hamasit më 7 tetor.

Zoti Blinken tha se një armëpushim 7-ditor midis Izraelit dhe Hamasit kishte dhënë rezultate dhe Shtetet e Bashkuara shpresojnë që ai të vazhdojë.

Në takimet në Jeruzalem, zoti Blinken rikonfirmoi mbështetjen e SHBA-së për të drejtën e Izraelit për t'u vetëmbrojtur nga dhuna terroriste në përputhje me ligjin ndërkombëtar humanitar, tha zëdhënësi Matthew Miller në një deklaratë.

Zoti Blinken i kërkoi Izraelit të marrë çdo masë të mundshme për të shmangur dëmet mes civilëve, tha zëdhënësi Miller.

"Sekretari theksoi domosdoshmërinë e përgjegjësisë për nevojat e mbrojtjes humanitare dhe civile në Gazën jugore përpara çdo operacioni ushtarak atje," tha zoti Miller.

Uashingtoni i ka kërkuar Izraelit të ngushtojë zonën e luftimit dhe ta bëjë të qartë se ku janë zonat e sigurta ku mund të shkojnë civilët palestinezë në Gazën jugore, për të parandaluar një përsëritje të numrit masiv të të vdekurve nga sulmet e Izraelit në veri të Gazës, thanë zyrtarët amerikanë të mërkurën.

Në një deklaratë pas takimit, zyra e zotit Netanyahu tha se kryeministri rikonfirmoi angazhimin e Izraelit për të zhdukur Hamasin, i cili ka nën kotroll Gazën.

Kryediplomati amerikan tha se Uashingtoni është i përqendruar tek ndihma për të siguruar lirinë e pengjeve të tjera të mbajtura në Gazë.

"Kemi parë gjatë javës së fundit një zhvillim shumë pozitiv me kthimin e pengjeve në shtëpi dhe ribashkimin e tyre me familjet. Kjo duhet të vazhdojë sot. Kjo ka mundësuar edhe shtimin e ndihmës humanitare ndaj civilëve të pafajshëm në Gaza, të cilët kanë nevojë të jashtëzakonshme për të”, tha ai më herët në një takim në Tel Aviv me presidentin izraelit Isaac Herzog./VOA

Benjamin Netanyahu ka urdhëruar që shtëpitë e dy luftëtarëve të Hamasit të shkatërrohen, pas një sulmi masiv në Jerusalemin këtë mëngjes.

“Kryeministri Netanyahu urdhëroi që shtëpitë e dy terroristëve që kryen sulmin e sotëm në Jerusalem të vulosen dhe të prishen, të kryhen arrestime të gjera mes atyre që i mbështetën dhe i dërguan”, thuhet në një deklaratë nga zyra e tij.

Shkatërrimi i shtëpive familjare të terroristëve të markës izraelite është një dënim i zakonshëm i kryer nga autoritetet izraelite - i praktikuar në territoret palestineze që nga Lufta Gjashtë Ditore në 1967, raporton Skynews, transmeton "Bota sot".

Hamasi lavdëroi krahun e tij ushtarak, Brigadat Al Qassam, për atë që e quajti "operacionin heroik të Jeruzalemit" pas të shtënave, të cilat vranë tre persona dhe çuan në vdekjen e dy sulmuesve.

Ai gjithashtu i emëroi sulmuesit si Murad Muhammad Nimr, 38 vjeç dhe Ibrahim Muhammad Nimr, 30 vjeç.

Shtëpitë e tyre familjare, të cilat tani do të shkatërrohen, besohet të jenë në Sur Baher - një fshat palestinez në periferi të Jeruzalemit Lindor.

Siç ju sollëm sapo ju, historia kryesore ndërkombëtare e ditës ka të bëjë me vizitën e sekretarit amerikan të shtetit Antony Blinken në Izrael.

Ai më parë u takua me kryeministrin izraelit, ku zëdhënësi i Blinken pretendoi se ai kishte shpenzuar kohë duke i bërë thirrje Izraelit që të garantonte sigurinë e qytetarëve në Gazën jugore kur të rifillonin armiqësitë, raporton Sky news, transmeton "Bota sot".

Benjamin Netanyahu sapo ka lëshuar deklaratën e tij për takimin:

"Sapo përfundova një takim me sekretarin amerikan të shtetit Antony Blinken, pak pasi vrasësit e Hamasit vranë izraelitët këtu në Jerusalem, dhe i thashë: "Ky është i njëjti Hamas. Ky është i njëjti Hamas që kreu masakrën e tmerrshme më 7 tetor. I njëjti Hamas që përpiqet të na vrasë kudo”, tha ai në një deklaratë.

"Unë i thashë atij: "Ne u betuam dhe u betova që të eliminojmë Hamasin. Asgjë nuk do të na ndalojë".

"Ne do të vazhdojmë këtë luftë derisa të arrijmë tre qëllimet - të lirojmë të gjithë pengjet tanë, të eliminojmë plotësisht Hamasin dhe të sigurojmë që Gaza të mos përballet më kurrë me një kërcënim të tillë."

Një marrëveshje për të zgjatur një armëpushim midis Izraelit dhe Hamasit deri të enjten u rrëzua pasi Hamasi refuzoi për orë të tëra të prodhonte një listë pengjesh me 10 gra dhe fëmijë - një kusht që Izraeli këmbënguli se duhej përmbushur.

Pas një përplasjeje të tensionuar dhe të gjatë për zgjatjen e armëpushimit në ditën e shtatë, qeveria izraelite më në fund pranoi një propozim për Hamasin për të liruar vetëm tetë pengje të rinj izraelitë të enjten dhe ra dakord të numëronte dy pengje izraelito-ruse të cilët u liruan të mërkurën, i thanë CNN burime të shumta të njohura me diskutimet, transmeton "Bota sot".

Pasi Izraeli hodhi poshtë një përsëritje të listës së Hamasit që kishte shtatë gra dhe fëmijë dhe trupat e tre të tjerëve për të cilët ata pretendonin se ishin vrarë nga bombardimet izraelite, Hamasi vazhdoi të pretendonte se nuk mund të gjente më shumë gra dhe fëmijë. Hamasi më pas vazhdoi të ofrojë shtatë gra dhe fëmijë dhe tre të moshuar – të konsideruar gjithashtu të papranueshëm për izraelitët, tha një burim.

Hamasi në fund priti deri në skadimin e armëpushimit për të dorëzuar më në fund një listë që Izraeli pranoi - tetë pengje të rinj, plus dy izraelito-rusët e liruar të mërkurën, sipas burimeve. Negociatat kanë rezultuar të rrjedhshme, duke lënë të hapur mundësinë që numri i pengjeve të liruar të enjten mund të ndryshojë.

Palët tani janë plotësisht në një fazë të zgjatjes së përditshme të armëpushimit, ku Hamasi duhet të ofrojë një listë të re me 10 pengje në mënyrë që të sigurojë 24 orë të tjera në pauzë në luftime. Duke pasur parasysh sfidat serioze që doli me Hamasin duke pretenduar deri në minutën e fundit se ata kishin vështirësi në gjetjen e pengjeve të mjaftueshme, negociatorët e shqetësuar po parashikojnë se procesi i zgjatjes së armëpushimit në ditën e tetë mund të jetë shumë sfidues.

Ushtria e Izraelit tha të enjten se dy pengje të tjera izraelite u liruan nga Rripi i Gazës, disa orë pasi Izraeli dhe Hamasi – grupi radikal palestinez i shpallur terrorist nga Shtetet e Bashkuara dhe Bashkimi Evropian – u pajtuan për zgjatjen e armëpushimit për edhe një ditë.

Në një komunikatë, ushtria tha se dy gratë janë kthyer në Izrael të enjten pasdite.

Ato janë në mesin e një grupi më të madh të izraelitëve që pritet të lirohen sot më vonë, në përputhje me marrëveshjen e armëpushimit të zgjatur sot mes Izraelit dhe Hamasit.

Izraeli do t’i lirojë 30 të burgosur palestinezë sot më vonë, në këmbim.

Kur u arrit marrëveshja e armëpushimit të përkohshëm më 24 nëntor, Izraeli tha se u pajtua për ta zgjatur atë për një ditë shtesë për çdo 10 pengje të liruara nga grupi radikal.

Armëpushimi, marrëveshja fillestare për të cilin përfundoi të hënën por u vazhdua, i ka ndalur luftimet më vdekjeprurëse mes Izraelit dhe palestinezët në dekadat e fundit.

Izraeli është zotuar se do ta rifillojë luftën në përpjekje për ta shkatërruar Hamasin dhe për t’i dhënë fund sundimit të tij 16-vjeçar në Rripin e Gazës, megjithatë është duke u përballur me trysni në rritje ndërkombëtare për ta kursyer Gazën jugore nga një ofensivë shkatërruese tokësore si ajo e cila e rrënoi shumicën e pjesës veriore.

Mbi 240 njerëz u rrëmbyen nga Hamasi në sulmin e 7 tetorit në jug të Izraelit, i cili edhe e nxiti luftën.

Më shumë se 14.800 palestinezë janë vrarë prej se nisi lufta, sipas Ministrisë së Shëndetësisë në Gazë, e cila kontrollohet nga Hamasi./rel

Hamasi ka marrë përgjegjësinë për të shtënat në një stacion autobusi në Jerusalem mëngjesin e sotëm që vrau tre persona dhe plagosi 16 të tjerë.

Në një deklaratë në Telegram, Hamasi vlerësoi krahun e tij ushtarak, Brigadat Al Qassam, për atë që ata e quajtën "operacionin heroik të Jeruzalemit".

Ajo i emëroi sulmuesit si Murad Muhamed Nimr, 38 vjeç dhe Ibrahim Muhammad Nimr, 30 vjeç.

Policia izraelite më herët tha se të dy sulmuesit u vranë në vendngjarje, pa i përmendur emrat e tyre.

“Ndërsa gjakojmë dëshmorët tanë muxhahidë, ne konfirmojmë se ky operacion erdhi si një përgjigje e natyrshme ndaj krimeve të paprecedentë të okupimit, duke përfshirë masakrat brutale në Rripin e Gazës dhe vrasjen e fëmijëve në Jenin, dhe shkeljet e përhapura ndaj të cilave të burgosurit tanë janë të ekspozuar në burgjet e okupimit”, thuhet në deklaratën e Hamasit.

Hamasi përsëriti thirrjet e tij për "përshkallëzimin e rezistencës".

Tre persona u vranë dhe pesë të tjerë u plagosën në një sulm me armë zjarri në hyrje të Jerusalemit të enjten në mëngjes, sipas shërbimeve të urgjencës të Izraelit.

Sipas mediave të huaja, një burrë 73-vjeçar, një grua rreth të 60-tave dhe një grua 24-vjeçare u vranë në sulm, ndërsa tre persona të tjerë u plagosën rëndë dhe dy të tjerë ishin “në gjendje të lehtë deri në mesatare”.

Ndërsa sipas policisë, “dy terroristë nga Jerusalemi lindor që mbanin një M16 dhe një pistoletë mbërritën në kryqëzimin Givat Shaul pranë hyrjes së Jerusalemit të enjten në mëngjes dhe filluan të qëllonin mbi civilët në një stacion autobusi aty pranë”.

Pas kësaj, raportohet se “dy terroristët u qëlluan dhe u vranë nga forcat e sigurisë dhe një civil që ndodhej në vendngjarje, duke përfshirë një ushtar të IDF-së i cili po kthehej në bazë pasi ishte në një pushim nga shërbimi në Gaza”.

Policia mbylli me shpejtësi skenën e sulmit dhe nisi kërkimet për t’u siguruar që nuk kishte sulmues të tjerë të lirë.

Dhe pamjet nga vendi i ngjarjes treguan njerëz që vraponin ndërsa në sfond dëgjoheshin të shtëna armësh.

Veç këtyre, janë publikuar edhe pamje të tjera pas sulmit.

Siç vënë në pah mediat, dy të dyshuarit u identifikuan si Murad dhe Ebrahim Nemer, vëllezër nga Sur Baher në Jerusalemin lindor, të cilët thuhet se ishin të lidhur me Hamasin.

“Murad ishte i burgosur në Izrael nga 2010-2020 për shkak të synimit të tij për të kryer operacione terroriste në Gaza; Ebrahimi u burgos në vitin 2014 për shkak të aktivitetit terrorist”.

Ndërsa në automjetin e tyre thuhet se u gjet një sasi e madhe municioni.

10 pengjet izraelite të liruara dhe katër shtetas tajlandezë kanë mbërritur në Hatzerim në Izraelin jugor. Ata u pritën nga një turmë e madhe njerëzish që u rreshtuan në rrugë.

Ata u dërguan në bazën e Forcave Ajrore Hatzerim nga ku pritet të dërgohen në spitale të ndryshme izraelite, shkruan CNN.

Disa nga pengjet pritet të ribashkohen me familjet e tyre në bazën ajrore dhe ribashkime të tjera do të ndodhin në spitale të ndryshme.

10 shtetasit izraelitë – disa shtetas të dyfishtë – u liruan si pjesë e marrëveshjes së armëpushimit Izrael-Hamas. Katër shtetas tajlandezë u liruan jashtë kornizës së marrëveshjes.

Dy pengje izraelito-ruse u liruan gjithashtu të mërkurën jashtë marrëveshjes. Ata janë pranuar në Qendrën Mjekësore Sheba në zonën e Tel Avivit.