Presidenti aktual i Egjiptit, Abdel Fattah el-Sissi ka qenë në pushtet që nga mesi i vitit 2014 dhe pritet që edhe në këto zgjedhje ta shohin atë të qëndrojë në krye deri në vitin 2030.
Egjiptianët kanë filluar të votojnë në zgjedhjet presidenciale në të cilat presidenti Abdel Fattah el-Sissi nuk përballet me asnjë sfidues serioz dhe është pothuajse i sigurt se do të fitojë një mandat tjetër, duke e mbajtur atë në pushtet deri në vitin 2030.
Zgjedhjet janë lënë në hije nga lufta Izrael-Hamas në Gaza. Pothuajse e gjithë vëmendja e egjiptianëve ka qenë në luftën në kufijtë lindorë të vendit të tyre dhe vuajtjet e civilëve palestinezë në enklavën bregdetare, raporton Euronews.
Votimi tre-ditor, duke filluar të dielën, po zhvillohet gjithashtu në mes të një krize ekonomike tronditëse në Egjipt.
