LIVE: Nuk ndalet hovi i luftës/ Vritet një zyrtar francez në Gaza, reagon Franca - Netanyahu i drejtohet izraelitëve!

Një zyrtar francez është në mesin e rreth dhjetë personave që mbetën të varë si pasojë e një sulmi ajror në një ndërtesë banimi në Rafah, në jug të Gazës.

Ministria e Jashtme e Francës kërkon qartësi nga autoritetet izraelite mbi rrethanat e kësaj ngjarjeje.

Burri vdiq nga plagët e tij pas një sulmi ajror të mërkurën, tha ministria në një deklaratë, raporton Al Jazeera.

“Ne kërkojmë që të hidhet e gjithë drita nga autoritetet izraelite mbi rrethanat e këtij bombardimi, sa më shpejt të jetë e mundur”, shtoi ajo.

Kryeministri izraelit Benjamin Netanyahu i është drejtuar kombit nga selia e Forcave Mbrojtëse të Izraelit, duke porositur sesi Izraeli do të vazhdojë luftën në Gazë.

Në fjalimin e tij, Netanyahu ka thënë se vetëm presioni ushtarak ka siguruar lirimin e pengjeve nga Gaza, duke theksuar se vetëm presioni ushtarak do të sigurojë lirimin e pengjeve tjera.

“Pa këtë nuk kemi asgjë”, tha kryeministri izraelit.

Ai gjithashtu foli edhe për statusin e Gazës pas përfundimit të luftës.

“Nuk do të lejoj që “të “Hamastani” të shndërrohet në “Fatahstan” me kthimin e autoritetit palestinez në Gazë, edhe nëse kjo është dëshira e aleatit më të fuqishëm të Izraelit (SHBA). Hamasi do të shkatërrohet, kurse Gaza do të demilitarizohet. Nuk do të paraqesë kurrfarë rreziku për Izraelin”, shtoi Netanyahu.

Ka folur edhe për ngjarjen ku ushtarët izraelitë u raportua se kanë vrarë tre pengje izraelite.

“Më ka thyer zemrën, por edhe zemrën e tërë kombit. Nuk mund ta kthejmë kohën pas. Të gjithë e dinë se në luftë fitorja dhe katastrofa janë shumë pak larg njëra-tjetrës. Do të nxjerrim leksione nga kjo, Izraelit do të vazhdojë përpjekjet ushtarake dhe diplomatike për të rikthyer të gjithë pengjet”, tha për fund Netanyahu.

Ministrja e Jashtme e Francës bëri thirrje për një armëpushim të menjëhershëm dhe gjatë një konference të përbashkët për shtyp me homologun e saj izraelit në Tel Aviv.

Catherine Colonna tha se armëpushimi ishte i nevojshëm për të lejuar të gjithë lirimin e pengjeve dhe dërgimin e më shumë ndihmave në Gaza, shkruan Sky News.

Eli Cohen, ministri i Jashtëm i Izraelit, e hodhi poshtë thirrjen e saj, duke e quajtur atë “të papërgjegjshme”.

“Një thirrje për një armëpushim tani është një dhuratë për Hamasin”,” theksoi ai.

Një snajper i Forcave të Mbrojtjes të Izraelit ka vrarë dy gra brenda Famullisë së Familjes së Shenjtë në Gaza të shtunën, sipas Patriarkanës Latine të Jerusalemit, e cila mbikëqyr Kishat Katolike në të gjithë Qipron, Jordaninë, Izraelin, Gazën dhe Bregun Perëndimor.

Shumica e familjeve të krishtera brenda Gazës janë strehuar brenda famullisë që nga fillimi i luftës, tha patriarkana në një deklaratë.

Dy gratë, nënë dhe bijë, po shkonin në Manastirin e Motrës kur njëra prej tyre u ekzekutua teksa po përpiqej ta çonte tjetrën në vend të sigurt. Shtatë të tjerë gjithashtu u qëlluan dhe u plagosën në sulm, raporton CNN.

“Asnjë paralajmërim nuk është dhënë, nuk është dhënë asnjë njoftim. Ata u qëlluan me gjakftohtësi brenda ambienteve të famullisë, ku nuk ka asnjë ndërluftues”, theksoi patriarkana në deklaratë.

Patriarkana tha se tanket e IDF kishin shënjestruar gjithashtu Manastirin e Motrave të Nënë Terezës, ku strehohen 54 persona me aftësi të kufizuara dhe është pjesë e kompleksit të kishës. Gjeneratori i ndërtesës, burimi i vetëm aktual i energjisë elektrike, si dhe burimet e karburantit, panelet diellore dhe rezervuarët e ujit u shkatërruan gjithashtu.

Raketat e IDF e kishin bërë manastirin “të pabanueshëm”, thuhej në deklaratë.

Të premten, ligjvënësja në Mbretërinë e Bashkuar Layla Moran, një deputete për Oxford West dhe Abingdon, tha se anëtarët e familjes së saj të strehuar në kishë ishin “tepër të dëshpëruar dhe të tmerruar” pasi kushtet vazhdonin të përkeqësoheshin. Moran më 15 nëntor i tha Dhomës së Komunave të Mbretërisë së Bashkuar se një anëtar i familjes që ishte strehuar në kishë kishte vdekur. Duke cituar rrëfime nga familja e saj, Moran shtoi se gjeneratorët e energjisë elektrike në kishë ishin ndalur.

“Familja ime më tregon për fosfor të bardhë dhe të shtëna me armë zjarri në kompleksin e tyre. Grumbulluesi i koshave të mbeturinave dhe portieri janë qëlluar dhe trupat e tyre gjenden jashtë të shtrirë ende të pambuluar”– tha ajo.

Thuhet se kryeministri izraelit Benjamin Netanyahu, tani ka lënë të kuptohet se ka gjasë që bisedimet për lirimin e pengjeve kanë rifilluar pasi ushtria izraelite pranoi se vrau tre pengje izraelite në Gaza.

Bisedimet për lirimin e atyre që po i mban Hamasi, kanë ngecur që nga përfundimi i një armëpushimi të përkohshëm në fillim të dhjetorit.

Gjatë pauzës shtatëditore të luftimeve, 110 pengje u liruan, ndërsa rreth 127 mbetën në Gaza, raporton Al Jazeera.

Protestat kundër luftës dhe pro-palestineze vazhdojnë sot në mbarë botën me disa nga demonstratat që zhvillohen në:

Belgjika

Tunizia

Gjermania

Franca

Austria

Priten të tjera protesta në të gjithë Kanadanë dhe SHBA-në, duke bërë thirrje për t'i dhënë fund sulmeve izraelite në Gaza që kanë vrarë pothuajse 19,000 palestinezë në Gaza.

Ushtria izraelite thotë se përdori një avion për të shënjestruar kampin e refugjatëve Nur Shams në Tulkarem, Bregu Perëndimor i pushtuar, përcjell Bota sot.

Ai shtoi se një numër luftëtarësh palestinezë, të cilët qëlluan dhe hodhën eksplozivë ndaj forcave izraelite, u vranë.

Autoriteti i Transmetimit izraelit raportoi se të paktën tre persona u vranë.

Pothuajse 300 palestinezë janë vrarë nga forcat izraelite dhe kolonët në Bregun Perëndimor të pushtuar që nga 7 tetori.

Deputetja e Mbretërisë së Bashkuar Layla Moran thotë se të afërmit e saj janë mes qindra njerëzve të bllokuar brenda kishës së vetme katolike të Gazës, ndërsa forcat izraelite veprojnë në afërsi, përcjell Bota sot.

Moran, zëdhënësja e marrëdhënieve të jashtme për Liberal Demokratët, tha se katër anëtarë të familjes së saj të gjerë, duke përfshirë një gjyshe dhe binjakë 11-vjeçarë, janë strehuar në Famullinë e Familjes së Shenjtë për javë të tëra.

“Tani nuk jam më e sigurt se ata do të mbijetojnë deri në Krishtlindje”, tha Moran për BBC të shtunën.

Moran, nëna e së cilës është palestineze, tha se një anëtar i gjashtë i familjes së saj të gjerë vdiq muajin e kaluar pasi nuk mundi të shkonte në spital për trajtim mjekësor.

Të shtunën, autoritetet e kishës akuzuan një snajper izraelit për vrasjen e dy grave të krishtera që ishin strehuar në ndërtesë.

“Nuk është dhënë asnjë paralajmërim, nuk është bërë asnjë njoftim. Ata u qëlluan me gjakftohtësi brenda ambienteve të Famullisë, ku nuk ka asnjë ndërluftues”, tha Patriarkana Latine e Jerusalemit në një deklaratë.

Sekretari i Jashtëm i Mbretërisë së Bashkuar, David Cameron dhe ministrja e Jashtme gjermane, Annalena Baerbock kanë bërë një thirrje të përbashkët për një "armëpushim të qëndrueshëm" në Gaza, përcjell Bota sot.

Në një shkrim të botuar në Sunday Times të dielën, Cameron dhe Baerbock thanë se "shumë civilë janë vrarë" në Gaza dhe lufta "nuk mund të zvarritet".

“Izraeli ka të drejtë të mbrohet, por, duke e bërë këtë, duhet t'i përmbahet ligjit ndërkombëtar humanitar,” thanë Cameron dhe Baerbock.

“Izraeli nuk do ta fitojë këtë luftë nëse operacionet e tij shkatërrojnë perspektivën e bashkëjetesës paqësore me palestinezët. Ata kanë të drejtë të eliminojnë kërcënimin e paraqitur nga Hamasi. Por shumë civilë janë vrarë.”

Megjithatë, diplomatët e lartë nuk bënë thirrje për një armëpushim të menjëhershëm.

“Qëllimi ynë nuk mund të jetë thjesht fundi i luftimeve sot. Duhet të jetë paqe që zgjat për ditë, vite, breza”, thanë ata. “Prandaj ne mbështesim një armëpushim, por vetëm nëse ai është i qëndrueshëm.”

Komentet e Cameron dhe Baerbock shënojnë një ndryshim të rëndësishëm në tonin nga qeveritë e Mbretërisë së Bashkuar dhe gjermane, të cilat kanë mbështetur fuqimisht të drejtën e Izraelit për t'iu përgjigjur sulmeve të Hamasit në vend të 7 tetorit.