Të paktën 20 persona u vranë dhe 25 të tjerë u plagosën në sulmet izraelite në kampin e refugjatëve Jabalya të mërkurën në mëngjes, tha drejtori i përgjithshëm i Ministrisë së Shëndetësisë të kontrolluar nga Hamasi në Gaza, Munir Al-Bursh, në një deklaratë në X.
Al-Bursh shtoi se dhjetëra mbeten nën rrënoja.
CNN nuk mund të verifikojë në mënyrë të pavarur numrat.
Në një deklaratë më herët të mërkurën, IDF tha se vazhdon “të operojë kundër objektivave terroriste në Rripin e Gazës, duke zhvilluar luftime të afërta me terroristët në terren dhe duke drejtuar avionët për të goditur shtabet dhe lokacionet me armë terroriste”.
“Në operacionet e përbashkëta tokësore, ajrore dhe detare, u kryen sulme ndaj dhjetëra terroristëve dhe infrastrukturës terroriste. Më shumë se 300 objektiva terroristë u goditën gjatë ditës së fundit,” shtoi deklarata, pa dhënë më shumë detaje mbi vendet e synuara.
Zyrtarët ushtarakë izraelitë kanë thënë se besojnë se janë afër mposhtjes së militantëve të Hamasit në Jabalya dhe lagjen Shujaiya të qytetit të Gazës, bastionet e fundit të mbetura të Hamasit në Gazën veriore.
