Hamasi mohon raportet se ka refuzuar propozimin egjiptian për paqe
Më herët, Reuters raportoi se Hamasi kishte refuzuar një ofertë egjiptiane për paqe, duke cituar burime egjiptiane të sigurisë.
Egjipti propozoi Hamasin të heqë dorë nga pushteti dhe të lirojë pengjet në këmbim të një armëpushimi të përhershëm, i ndjekur nga një rishikim i udhëheqjes në Gaza, duke përfshirë zgjedhjet, së bashku me garancitë që anëtarët e Hamasit nuk do të ndiqen penalisht, përcjell Sky news, transmeton "Bota sot".
Tani, Hamasi ka thënë se "nuk ka njohuri" për informacionin që raportoi Reuters.
Grupi tha: “Ne përsërisim se nuk mund të ketë negociata pa një ndërprerje gjithëpërfshirëse të agresionit.
“Udhëheqja e Hamasit kërkon një ndërprerje të përhershme të agresionit dhe masakrave kundër popullit tonë.
"Populli ynë dëshiron ta shohë këtë agresion të ndalur plotësisht dhe nuk dëshiron të presë për një armëpushim të përkohshëm ose të pjesshëm për një periudhë të shkurtër, pas së cilës agresioni dhe terrorizmi mund të vazhdojnë fatalisht."
