Një rezervist ushtarak izraelit, Shaul Greenglick, 26 vjeç, është vrarë në Rripin e Gazës vetëm disa javë pasi ai kaloi me sukses audicionin në një shfaqje televizive që zgjedh kandidaturën e vendit për Konkursin e Këngës në Eurovizion.
Greenglick performoi në “Israel’s Rising Star” më 3 dhjetor ndërsa ishte në pushim nga mobilizimi i tij në luftën kundër Hamasit. I veshur me veshjet e ushtrisë, ai këndoi një baladë popullore dhe iu dha drita jeshile për raundin tjetër në procesin e përzgjedhjes, shkruan Euronews, transmeton Klankosova.tv.
Një nga gjyqtarët, Keren Peles, i tha Greenglick-ut në skenë: “Jam i lumtur që të shoh të veshur me uniformë, sepse është qetësuese që dikush si ti është me uniformë. Do të isha i lumtur të të shihja që përfaqëson Izraelin në Eurovision”.
Por Peles, duke shkruar pasi u publikua vdekja e Greenglick në Gazën veriore, tha se ai ishte larguar nga shfaqja për shkak të detyrave të tij në rezervat e këmbësorisë.
“E imagjinova ndryshe këtë vit, si një vit aspiratash dhe të të jetuarit të ëndrrave të mia”, tha Greenglick në një postim të 14 dhjetorit në Facebook.
“Tani po jetoj një ëndërr të vjetër, të luftoj për vendin… Një ëndërr e re, do të duhet të presë pak”.
Eurovision Song Contest 2024 do të mbahet në maj në Malmo, Suedi, mes thirrjeve që konkursi duhet të bojkotohet për shkak të përfshirjes së Izraelit në listën e vendeve pjesëmarrëse.
