Gjykata e Lartë e Izraelit ka refuzuar reformat e diskutueshme gjyqësore që shkaktuan protesta mbarëkombëtare vitin e kaluar kundër qeverisë së kryeministrit izraelit, Benjamin Netanyahut.
Reformat do të kishin kufizuar Gjykatën e Lartë dhe do t’i jepnin qeverisë një zë më të madh në emërimin e gjyqtarëve, raporton BBC.
Kritikët thonë se ata do të kishin minuar rëndë demokracinë e vendit duke dobësuar sistemin gjyqësor.
Ka opozitë të fortë ndaj qeverisë Netanyahu, e cila shihet si më e djathta në historinë e Izraelit.
Vendimi i Gjykatës së Lartë për të rrëzuar ligjin e miratuar nga qeveria në 2023 pason disa muaj trazira të brendshme.
Në korrik, qeveria miratoi ligjin që tani njihet si projektligji i “arsyeshmërisë”.
Kjo hoqi fuqinë e Gjykatës së Lartë dhe gjykatave më të ulëta në Izrael për të anuluar vendimet e qeverisë që konsideroheshin “jashtëzakonisht të paarsyeshme”.
Në atë kohë, ligji shkaktoi zemërim të gjerë, duke bërë që qindra mijëra protestues të dilnin në rrugë duke kërkuar anulimin e reformave dhe dorëheqjen e kryeministrit, Benjamin Netanyahu.
