Gjashtë njerëz u vranë herët të dielën gjatë një sulmi ajror izraelit në Jenin në Bregun Perëndimor të okupuar, tha Ministria Palestineze e Shëndetësisë.
“Një bombardim i okupimit izraelit ndaj një grupi qytetarësh vrau gjashtë persona në Jenin”, tha Ministria e Shëndetësisë e drejtuar nga Autoriteti Palestinez, e cila është e vendosur në Bregun Perëndimor.
Agjensia zyrtare e lajmeve palestineze Wafa raportoi herët të Dielën se një vendosje e madhe e forcave izraelite ishte duke u zhvilluar në Jenin.
Dhuna është intensifikuar në Bregun Perëndimor që kur Hamasi filloi një sulm të paparë ndaj Izraelit nga Gaza në 7 tetor. Më shumë se 300 palestinezë janë vrarë në Bregun Perëndimor që nga shpërthimi i konfliktit, sipas Zyrës së Kombeve të Bashkuara për koordinimin e Çështjeve Humanitare.
