Arabia Saudite të mërkurën vlerësoi pasurinë minerale të vendit në 2.5 trilionë dollarë.
“Pasuria minerale e mbretërisë është rritur me 90 për qind për të arritur një ekuivalent prej 9.375 trilionë rialësh (2.5 trilionë dollarë),” tha ministri i Industrisë dhe Burimeve Minerale Bandar Ibrahim Alkhorayef në Forumin e 3-të të Mineraleve të Ardhshme (FMA).
Vlerësimet e mëhershme e vlerësojnë pasurinë minerale të Arabisë Saudite në rreth pesë trilionë rialë (1.3 trilion dollarë) në vitin 2016.
Alkhorayef ia atribuoi rritjen e pasurisë minerale të vendit zbulimeve të elementeve të rralla të tokës dhe metaleve në tranzicion si minerali i fosfatit, zinku dhe ari. I mbajtur në kryeqytetin Riad, forumi dyditor mbledh së bashku udhëheqës dhe vendimmarrës në sektorin industrial nga e gjithë bota.
Arabia Saudite është prodhuesi i dytë më i madh në botë i naftës së papërpunuar pas Shteteve të Bashkuara, me një prodhim mesatar ditor prej 11 milionë fuçi. PO ashtu, është eksportuesi më i madh i naftës në botë me një mesatare ditore prej 7.5 milionë fuçi.
