Një kandidat për zgjedhje në Pakistan u qëllua për vdekje gjatë fushatës të mërkurën, teksa dhuna përshkallëzohet një javë para hapjes së vendvotimeve.
Rehan Zeb Khan, një kandidat i pavarur i lidhur me partinë Pakistaneze Tehreek-e-Insaf (PTI) të ish-kryeministrit Imran Khan, u qëllua në një atentat kur persona të armatosur hapën zjarr mbi makinën e tij në një treg në Bajaur, provincën Khyber Pakhtunkhwa. sipas policisë së qarkut. Tre persona të tjerë u plagosën.
Shteti Islamik Khorasan, ose ISIS-K, mori më vonë përgjegjësinë për sulmin.
Është vrasja e dytë e një kandidati në javët e fundit pasi Malik Kaleem Ullah, një kandidat i pavarur për Asamblenë Provinciale të Khyber Pakhtunkhwa, u qëllua për vdekje më 10 janar teksa po shkonte derë më derë, sipas Reuters.
Të shtënat e së mërkurës janë të fundit në një varg sulmesh në të gjithë vendin e Azisë Jugore që synojnë kandidatët politikë dhe partitë përpara zgjedhjeve të përgjithshme më 8 shkurt.
