Kombet e Bashkuara kanë thënë se është pothuajse e pamundur të ndihmohen 2.3 milionë banorët e Gazës për shkak të dhunës së vazhdueshme.
Ai i bëri komentet në përgjigje të pretendimeve të fundit izraelite se vetë organizata ndërkombëtare po dështon të japë ushqim, ujë dhe ilaçe të nevojshme për civilët në enklavën e sulmuar, raporton euronews.
Të mërkurën, zëdhënësi i OKB-së, Stephane Dujarric, u tha gazetarëve një prishje e ligjit dhe rendit në Gaza dhe “koordinimi i pamjaftueshëm” me Izraelin për sigurinë po rrezikonte jetën e punonjësve humanitarë.
“Kjo është arsyeja pse ne kemi kërkuar vazhdimisht një armëpushim humanitar”, tha ai.
Zyrtarët e OKB-së thonë se sulmet ajrore izraelite kanë shënjestruar oficerët e policisë që ruanin kamionët e ndihmave, duke i ekspozuar ata ndaj plaçkitjeve nga civilët e dëshpëruar dhe bandat kriminale.
