Një numër i caktuar bukësh janë tërhequr në Japoni pasi janë gjetur se përmbajnë mbetje minjsh.
Prodhimi i bukës në Tokio është ndaluar pasi pjesë të një “kafshe të vogël” janë gjetur nga të paktën dy persona.
Firma “Pasco Shikishima Corp”, që prodhon bukën, ka thënë se 104,000 pako me bukë janë tërhequr ndërsa ka kërkuar falje dhe ka premtuar kompensim, raportoi NBC News.
Nuk është raportuar për ndonjë person të sëmurë nga ngrënia e kësaj buke.
Kjo është në radhët e skandaleve të sigurisë së ushqimit në Japoni. Muajin e kaluar, tri suplemente nga farmacia “Kobayashi” u tërhoqën pas raportimeve për vdekje. Më herët, ishin gjetur buburreca në orizin e prodhuar nga “Warabeyya Nichiyo”.
